annaf

. . Asɣan wiss kkuẓ

 

yura  t  :  bumiṣṛ  εbdlwaḥd .

.

   Tga tẓuṛi yat tγawsa nna ismunn iwdan akk° xf yan uwttas nɣ nenna yan usɣan nna  mi rad nini asɣan n tẓuṛi ,nssn akk° mas d imuslmn d udayn d winna akk° ur ilin asɣan d wiyyaḍ llant tugtt n tγawsiwin nna f d msasan am assfld n uẓawan ku tizi , art n akk issusam mad igan aẓuṛan , ma ad ar immala mas tga tẓuṛi s umata yat tγawsa nna ssarn iwdan akk , ig unaẓuṛ wanna ismunan isyafatn n iwdan ann mqqar d ur msasan  g tugtt n iswingimn ignsann nnsn , gh iga usgd yan g isyafatn d waɣaln ann .

    Macc uya illa ɣas g mad igan aẓuṛan , iɣ nẓṛa aynna ttinin tugtt n islmadn nna ganin imuslmn ar nn nttafa mas d ur msasan d iswingimn nna yakk° isawaln s yat tɣarast igan tanillant , ma ad ar immala mas darsn ur tlli yat tlelli n uswingm idusn , nγi ad nini masd asgd ar iskar yan unuḥyu gr iwdan iɣ asn ur yakka yat tlelli af ad ad sddrfin inllitn nnsn , macc ur nzḍaṛ ad akk nsmun asgd g yat tswingmt am taddγ nna yakk irkan s iswingimn ann bkkḍnin .

   Ig nra ad nsawl xf tẓuṛi rad nini mas ar iskar yat twwuri bahra iẓiln g tamunt n iwdan ig usɣan wanna tn isngaran g tugtt n tγawsiwin nna ganin tinafganin  , slawan akk° mas ar nzṛṛa agdud n umarir yugr bdda agdud n umara nɣd win umdyaz , ma ad ad aɣ immalan tugtt n tɣawsiwin ganin tinmgalin gr sin ifṛḍisn ad .

   Tawwuri nna s ar issiwiḍ umarir tabratt d iswingimn nna  akk° tusi tẓuṛi  nna iskar tattuy bahra f twwuriwin nna skarn imaratn d imallasn ,ma ann ad aɣ immalan masd afgan ur aɣ yaqqra d ur ar t bahra tssusam tɣarast n imaratn d imallasn s mk nna s ar t tssusam tɣarast n unaẓuṛ nɣ d amarir .

  Imsli n umarir ar ilkkm  g yat tizi idrusn s unlli n iwdan macc aswingm nna ittyaran ar ittkka tugtt n tsurifin af ad ad  tn yawḍ , nɣ akk° ur illkkm iwdan ann s mk nna s tt inna umara nɣd amallas .

  yili daγ  yan uswingm amattay ar ittini s umdya ig ikcm ufgan s tdala nna g llan urarn d imarirn nγ nenna aẓawan d rrkz izḍaṛ ad nn naf tugtt n iwdan γ gan imuslmn d wanna tn akk° ur igin awd winna ur lanin asgd rad ttrkazn ar akk° syafan s umarg nna igan yat tirmt i iman n ufgan s umata .

   macc ig nkcm s kra n wansa am timzgid nγ d lkanisa ur nγi ad nanni amr winna  γalnin s usgd ann nna mu iẓli wansa ann nna g llan , s umdya ur rad nn naf winna ur ginin imuslmn g wansa nna γa ttẓallan imuslmn d ur rad nn naf imuslmn  munn d winna tn ur igin g wansa nnaγa ttẓallan .

  g ma ad akk° rad nini masd aynna ittggan tamunt gr iwdan akk° nttan ad igan usɣan nnsn, taswingmt ad rad d fllas akk° msasan iwdan nna ganin idrfiyyn g inlla nnsn .

tamamkt n tɣri :

x = kh

ɣ = gh

k° = kw

ẓ = z “izurn”

ṛ =  r “izurn”

ḥ  = ح

اضف رد

لن يتم نشر البريد الإلكتروني .