annaf

بعض الآراء حول الكتابة باللغة الأمازيغية على الفايسبوك .Tannayin n kra n imddukkal d tmddukkal xf tirra s tmazight gh facebook .

Tannayin n kra n imddukkal d tmddukkal xf tirra s tmazight gh facebook  . 

بعض الآراء حول الكتابة باللغة الأمازيغية على الفايسبوك

Amsmrara  :  Abdelouahed Boumisser .

……………………

   illa yan usqqsi bahra ikhatrn tigiriwin ad gh mad iZlin s tirra g wammas n ufaysbuk illa mad iran d izDar ad yara isyafatn nns s tutlayt nns illa mad ittaran s uskkil yaDn am ta3Rabt nghd tafransist.

gh ukhfawal ad rad nissan tugtt n tannayin khf tirra s tmazight g ufaysbuk d man adghar ad tla dar winna srs ittaran .

Hassan oubrahim

    iga ufaysbuk yan imiss lli iZDarn ad iskr yat tgrawla v igr n tirra n tskla d tZuRi tamazivt , v yat tizi idrusn. v mnid n uvrab nnk, rad tswingmt, tarat aDRis nnk, ngh tamdyazt nnk, nv amagrad nnk, nv kra n tvawsa yaDnin, d ulggud tlkm imddukkal nnk, vrin tt, drun dikk aswingm, nv asyafa, nv anzgum, drun dikk timrarutin nsn d waddadn nsn…ufant tirra nnk ad zgrnt iwutta n tamurt, s ugwmmaD ann yaDnin. tirra v ufaysbuk fkant gigan i tskla tamazivt, achku ar ttawsnt v unyalkam ngr umara d imvri, ar sattignt tayafut ns, ard tlkm augdud iggutn v ugns n tmazirt ula timizar yaDnin . ZDarv ad nniv mas irZm ufaysbuk tiggura n tirra d usnflul i gigan n imaratn, wid issntin tirmit nsn ,mqar ur twayssann , iskr as n advar nsn, iZli asn agdud nsn. zDarn ula inmvurn n tirra ad gis fsrn idlisn nsn d tyafutin nsn, fad ad tn ZRin midn. tirra s tmazivt v ufaysbuk tiws v ubuvlu n tutlayt nnv, achku tgra amud n ufrak, vikli tusi tabratt n umaziv s dar umaziv.

bouzndag abdellah

    Nkki ar bdda sawalgh f mayad  gh les status n facebook

Imazighn ar ttaran s ta3rabt acku frkn s wawal nsn is nn ur ibbi amya

Waxxa mmaghn f izrfan n tmazight macc tlla nn yat tkrrist gh ignsiwn nsn

Tkrs asn iZRi nsn, ghaln igh uran s tmazight is ZzimZin ixfawn nnsn

Taghawsa ad tga tasikulujit

Iqqan d ad fllas sawln imassann n tsikulujit

Lahsen oulhaj

   Iffeγ turda is d tirra s tmaziγt gant taγawsa imqqurn. Slawa tt inn akkʷ γ facebook. Acku ar t gis ẓeṛṛan imddukkal ura iγnan. Γ dar-i nekkin, llan sin iswiren bahra ittumniden. Amzawru iga t ayt beṛṛa ad ur issenn is akkʷ llan Imaziγen ay-lliγ t id iwin ussan s Facebook. Γik-ann d mad iggutn n Imaziγen nit lli ka yad-lli ijlan ura ssenn mad ka gan ajj nn tiγawsiwin yaḍnin. Wiss sin iga t tamyurt n tirra s tmaziγt. Hati mqqar tga tutlayt tin ufgan, iγ rad sis ittara hati tcqqa bahra. Ukan iγ a tt bahra nttnawal rad fell-as nettawi. Ukan rad d yack yan uzmz rad dar-neγ tg zund aman.

Ayyad alhyan

    tirra s tmazivt gant tisit nnv ad nn gisnt nttannay ixfawn nnv, gnt yan tmatart mas sul nddr mas sul nlla, yat tccrjmt ad nn gis nttagga s umaDal nml as mad yusi wawal nnv d ufulki. tirra, gant ula anaZaR d yat tmasayt iZDayn ur sis issn amr imaratn lli iZZaD unzgum ad srsn tirsal dusnin i tskla tamazivt.

Omar aitsaid

   tirra g ufasbuk ,iha yat tvawsa ilan atig acku tirra ad igan tudert n tutlayt tamazivt.

nkkin da ttarav s tutlyt tmazivt , ula tutlyt tafransist ula tutlayt ta3rabt marad ikmml umSawDinu d imddukkal kullu.acku icqa ad nttara g yat tikklt s tmazivt s uskkil n tfinav,ilazm imik s imik ard walfn middn tirra n tfinav .

Mouhamed sadiq :

    tirra gant imasn lisaytmsiwid ufgan dwayaad .ukan afgan aristi man anaw dman awal saytmsiwid livan itafa agayuns ya3ni sohola ghtawasol. nkni ka imazivn darnh awaln darnh tirrannh arntmsiwiid swawal nnh waynni urta nttara stirra nv tifinagh asrsnt ntmsiwd zud askkil alatini d arami wayni maya uraygh immala masd tifinav urnzdar asrsnt ntara uhu arsrsnt ntara ighsul illa imik nubikkas f tirra afad adisn ugdud amrruki iwskkil ntfinav tanmirt amawas .

Mouhamed farid

   udmadlis ufigh gis mad yufn mad ufigh gh tillaw gh ttlligh

hanane tufitri

      Niki nigh ifulki ad ntara stmazight afad imdukkal nk sur Facebook ighur San itmazight angin tugas nsn adsan tamazight bach adisan mad tarat zud matalan les statuts stmazight….

Abdellah wakrim

    nik ur darri Amukris manik rad Arah Tirra iz latin nid la rami nid tifinagh awal inu igat Tamazivt akal inu igat tamazegha nik gih afghan n tamazegha

  salh ayt salh

 tirra tga tavawsa tanimant. tg tilggwit s tudrt tamvlult i umara d tutlayt.

Oualali lahcen

   righ ad iniv snat tvawsiwin f tirra s tmazivt y facebook talli izwarn : tirra s tmazivt g facebook yat tsurift bahra ifulkin idv ku yan isdar ayini aynna ira s wawal nes , tisnat tgat tamaguit tamagit n Izri (Z) emphatique . ig tarat s tmazivt ar tmallt iwmdal is illa yan uydud iswaln ar itarra s tutlayt nes

Faysal imiri

    tirra s tmazight svawsant sul s tugt afad ad lkmn aswir ligisnt illan .. d ar nssutur ad ur akkan atig iwannat urilin acku mayan ard itrza asnflul ,

Said elfrouah

    Idrus maytaran stmazight h Facebook achku wiliyas snin urasrs a9ran wakha tyura siskla ntlatinit yili umukris ntsgiwin nimazighen uhturit s tsusit urak fhmn irifin ihturit strifit urak fhmn isusin d artaran Imazighen ghar st3rabt achku ts3rbtn skila dursn itfransist d tnglizit achku skila ntmurtad tga mo3raba artmi.. Mach artinih ihngan imghnasn Imazighen tuggas zdarn adfrdn awalnsn

G Facebook achku imukrisn ntwasul gan ghir iftradat ikhasa maytaram fad ayhkm . D adurntu izd arntara darnsawal tamazight siskla ntlatinit h smsat allors nzdar ast ntara h face d aritili tajawub nmidn ugar nt3rabt dtfransist

Said oujamaa

    “tirra n s tmazight g faysbuk iga yan umukris llis fllav illa ad as nZmaZZl s tanna illan … nkki ar srs ttarav mac idrus mad tt yaqran d mad didk ittmraran … d ar ittili umukris yaDni tizi nna trit ad dav tarat kra , tirit ad t rmsn kullu imddukal ar dav tggat g ixf nk willi ur sawalnin tamazivt ula ssnn tt … ar tskart mkad d mka ha iv nura s tmazivt ha iv nura s t3rabt ha iv nura s tnglizt nvd tafransist …”

Aicha elhardoum

   tirra tga yan imiss idusn mas ad ittini ufgan anna ira bla tibbayDarin tga ula yan wanaw n wawal idran yusin anzgum ula tumert n ufgan teg imiss n tlilly tilily n uswin d usyafa d tufrayin tirra tga amzruy lli rad ig imal ….

Aziz yassine

   tirra s tutlayt tamazivt gant tamasayt n ku yan, gnt ula tamatart n ufrak s watig n tawsna d tamagit v umzruy d imal n imazivn v omaDal. ar vila drusn sul imaran s tutlayt tamazivt, mac asggas ar wayya ar tigutn, ig mayann timitar n imal ibuvlan n tskla amazivt

Chakouki amanar

   iga ufaysbuk yan usarag lli ɣ ar fssrn middn tannayin nnsn ku yan d unzgum nna f ittara. gn imaziɣn yan ugzzum ɣ igdudn lli nn nttafa ar bahhra ttaran s tutlayin ur igin tinsn slawnd akk taεrabt. amukris ad ur izdi ɣar s umaḍal ad azgzaw. aɣbalu nns izdi d tudrt nnsnt takuyasst, amdan amaziɣ ɣ umzruy nns akk* d tutlayt d tussna nns tga bdda tamiwant.ar isawal s wawal amaziɣ,macc ar ittara s tutlayin yaḍn slawnd akk * tin usdurry n iwunak d ikcmn s iẓẓlmḍ n ifriqya. ayann ad d yiwin aylliɣ jju ur iẓḍaṛ umdan amaziɣ ad ig awal nns d wad ittyaran, tawngimt ad tlla ɣ ussyafa nns d uswingm nns anamun. amukris n tirra s tmaziɣt ɣ ufaysbuk ur iẓḍaṛ ad as naf afssay iɣ ur ta tlli tutlayt tamaziɣt ɣ tinmal d imassn n umṣawaḍ. mqqar akk illas waddad n tirra s tmaziɣt tlla ukan imikk n tifawt dar middn lli ittaran iswingimn nnsn d issyafatn nnsn s tmaaiɣt.

Amdyaz karim

  azul ..tirra n ufaycbook gant dari kra achku ufighn gh tugt n tikkal ar gis tlkm tbrat , uggar d idgharn yadnin . tanmirt

Khalid oublla

   Tirra s tmazivt v ufisbuk ur igi yat tvawsa nna rad iskr ku yan. amara ar isrus ixf nns f yan unaZaR iTTafn sin udmawn: amzwaru izdi ad yara s tmazivt iDfR ilgamn nns. Wiss sin ad isslkm tabrat nns s tmazivt d ad yaf kigan n imvritn, slawan akk’ afisbuk iga am ugadaz n tutlayin. tuggt n imaratn ar ttaran s walsiwn yaDnin uggar n win tmazivt, isragn lli akkan zdin d urmas n aylli ttaran d mnck n imvritn ad issusm.

Abdelali Akhouairi

  nkki nniv iqqan d i willi ssnn imikk v tmazivt ad svudun i willi urta ittaran nv i willi ur ssnn ad ttaran s tmazivt, s tgharasin tibadighujin timsnflulin; ad ur ntZi d mden ad ttaran s tmazivt s bzziz, acku tavawsa n bzziz ur jju t7li.ad nakka ismigiln i winna iffaln tutlayt nns ar ittara s tayyaD s tbridt iZiln ar d yaDu s tmagit nns; v umzwaru ad asnn nttr ad smunan tamazivt d tutlayt aDnin s usuvl g umnid nns; ar d yarm ad ittara s tmazivt hlli. Ayyuz .

Mhamed Elouakaini

Azul . iv tiwnt iv tkksrt ad ur tettut ad ttarat . awn i wussa tisurifin nnk ttara tnt . ttara timdayyin n tillawt gnt akttay nnk . ttara tibratin nnk SSifd awal i wawal . iqan k id ad tnt tfrut gant fllak amrwas … .

 

Hafida Elmansouri

    أصبح الفيسبوك من بين اهم وسائل التواصل الاجتماعي التي تجذب شباب العالم و الشاب الأمازيغي بدوره يندرج ضمن هذه الفئة ..الا ان الكتابة بالامازيغية الفيسبوكية يطرح العديد من الاشكالات من بينها استغناء الامازيغ مستعملي الموقع عن حرف تيفيناغ و تعويضه بالحرف اللاتيني أو العربي و تراجع المنشورات المتعلقة بمواضيع الأمازيغية ..و هذا امر بديهي خاصة بسبب اقصاء هذه اللغة و عدم الرقي بها في مجالات مختلفة كالتعليم و الاعلام و هذا سيؤثر من دون شك على مردوديتها في العالم الأزرق ..

Brahim asafou

   Rabahra ifalki antara s tfinav viklis tna tuf afad wana ur isen assis yara aymav ukan vakudan rast imyur arkiv dars tga zund tutlayin yadn amukris llin anniv igat imdukkal nvd timdukkal nk llidark illan lli ur isawaln s tmazight manik asad tannayn mayad ?

Hamid chaina 

    tga tutlayt tamazivt yat zzv tutlayin timaDlanin lli ikcmn s imassn imaynutn d idvarn n unyalkam imunan am facebook s uskkil nns tfinav ,mac tugtt n imazivn ur sis ttaran g idvarn ad ,ar bahra ttaran s oskkil alatini nvd s tutlayt n t3rabt ,ma ad iga tabbayDart g umnid n usbuvlu n tutlayt ad s uskkil nns tifinav v oswir amaDlan ,mac asrag n ma ad iga t addad n tutlayt tamazivt lli itddrn kigan n imukrisn v usslmd d usnmala lliv ur ta tumz azrf nns ar vass ad mqqar tga tunSibt g tmnDawt n 2011.

Rachid ouchtaine

    tirra s tmazivt tga tavawsa s d nkrn imazivn slawan akk* s ma ad iZlin s yigr aliktRuni g nit llan wansatn n unyalkam anamunan, afaysbuk iga yan n wansa g wansatn ann nna issn adaf n tutlayt tamazivt d nna as yiws ad tbuvlu tili g unyalkam n imazivn ngratsn aylliv tuti tutlayin yaDnin g unyalkam, vid ar sawalv xf tutlayt tamazivt s umawal nns nna ittyuran swa s tirra n taRamit niv talatinit, mac v imghura ad imazivn ssn yan ummatti izdin d tirra nnsn tifinav lliv stin tugdt nnsn ad sis ttaran ilmma ar mmaln i wiyyaD ma s tga tutlayt nnsn tad rad yiZDiR ad ttnru tutlayin yaDnin tg tad iZDaR ad tbdd xf iDaRn nns, mqqar sul illa umkris mZZin ad t igan d win tantaliwin nna s ar ttnyalkamn imazivn, acku idrus wid smrasnin tutlayt tanawayt g unyalkam nnsn, afad ad yili urmas akswat ngr imazivn.

Lahoucine  amjjud

   tamzight tga tutlayt nv mac ura srs nttara ula ar srs naqra afaysbuk iga yan igr lliva izray ufgan tizi nnasd yagurn ar hlli gis dssan mdn zzrin tizi iska llant kra n tguriwn urtnt nsn s tamzight mac nsntnt s tutlayt aDnin vayan a f ar srs nnttara kkivtin urmv ad srs ttarav g ufaysbuk afivn idrus mad yaqran … ayagan ssaht ur ak nttini mav tlla lfayat g ufaysbuk isaka nsHitir aynnas ka nura iga asHitr .

Amsmrara : Abdelouahed Boumisser

2 تعليقان

اضف رد

لن يتم نشر البريد الإلكتروني .